Presages
Tirez De Ceux Faictz Par M. Nostradamus,
ÉS Années 1555. Et Suyuantes Iusques En 1567.
1555.
- I.
- D'vn presage sur ladicte année.
- D'Esprit diuin l'ame presage atteinte,
- Trouble, famine, peste, guerre courir:
- Eaux, siccitez, terre & mer de sang teinte,
- Paix, tresue, à naistre Prelats, Princes mourir.
- De l'Espistre luminaire sur ladicte annee.
-
- II.
- La mer Tyrrhene, l'Occean par la garde,
- Du grand Neptun & ses tridens soldats:
- Prouence seure par la main du grand Tende,
- Plus Mars Narbon l'heroiq de Vilars.
-
- III. Ianuier.
- Le gros airain qui les heures ordonne,
- Sur le trespas du Tyran cassera:
- Pleurs, plaintes & cris, eaux, glace pain ne dône
- V. S. C. paix, l'arme passera.
-
- IV. Feburier.
- Prés du Leman la frayeur sera grande,
- Par le conseil, cela ne peut faillir:
- Le nouueau Roy fait apprester sa bande,
- Le ieune meurt faim, poeur fera saillir.
-
- V. Mars.
- O Mars cruel, que tu seras à craindre,
- Plus est la Faux auec l'Argent conioint:
- Classe, copie. eau, vent l'ombriche craindre,
- Mer terre trefue. L'amy à L. V. s'est ioint.
-
- VI. Auril.
- De n'auoir garde seras plus offensé,
- Le foible fort, l'inquiet pacifique:
- La faim on crie. le peuple est oppressé,
- La mer rougit, le Long fier & inique.
-
- VII. May.
- Le cinq, six, quinze, tard & tost l'on seiourne,
- Le né sans fin: les citez reuoltées:
- L'heraut de paix vint & trois s'en retourne,
- L'ouuert cinq serre. nouuelles inuentées.
-
- VIII. Iuin.
- Loin prés de l'Vrne le malin tourne arriere,
- Qu'au grand Mars feu donra empeschement:
- Vers l'Aquilon au midy la grand fiersl,
- Flora tiendra la porte en pensement.
-
- IX. Iuillet.
- Huit, quinze & cinq quelle desloyauté.
- Viendra permettre l'explorateur malin:
- Feu du ciel foudre. poeur, frayeur Papauté,
- L'Occident tremble. trop serre vin Salin.
-
- X. Aoust.
- Six, douze, treze, vint parlera la Dame,
- Laisné sera par femme corrompu:
- Dijon, Guyenne gresle, foudre l'entame,
- L'insatiable de sang & vin repeu.
-
- XI. Septembre.
- Pleurer le ciel. à il cela faict faire,
- La mer s'appreste. Annibal fait ses ruses:
- Denys mouille. classe tarde. ne taire,
- Na sçeu secret. & à quoy tu t'amuses.
-
- XII. Octobre.
- Venus Neptune poursuiura l'entreprinse,
- Serrez pensifs. troublez les opposans:
- Classe en Adrie. citez vers la Tamise,
- Le quart bruit blesse de nuict les reposans.
-
- XIII. Nouembre.
- Le grand du ciel soubs la Cape donra,
- Secours. Adrie à la porte faict offre:
- Se sauuera des dangers qui pourra,
- La nuict le Grand blessé poursuit le coffre.
-
- XIV. Decembre.
- La porte exclame trop frauduleuse & feinte,
- La geule ouuerte, condition de paix:
- Rosne au cristal. eau, neige, glace teinte,
- La mort, mort, vent. par pluye cassé faix.
1557.
- XV. Ianuier.
- L'indigne orné craindra la grand fornaise,
- L'esleu premier, des captifs n'en retourne:
- Grand bas du monde, L'Irale non alaise,
- Barb. Ister, Malte. Et le Buy ne retourne.
-
- XVI. May.
- Conioint icy, au ciel appert depesche,
- Prise, laissée. mortalite non seure:
- Peu pluye, entrée. le ciel la terre seche,
- De fait, mort, pris, arriué à mal heure.
-
- XVII. Iuin.
- Victor naual à Houche, Anuers diuorce,
- Né grand, du ciel feu, tremblement haut brule:
- Sardaigne bois, Malte, Palerme, Corse,
- Prelat mourir, l'vn frape sus la Mule.
-
- XVIII. Iuillet.
- L'heraut errant du chien au Lion tourne,
- Feu ville ardra, pille, prise nouuelle:
- Decouurir fustes. Princes pris, on retourne,
- Explor, pris Gall. au grand iointe pucelle.
-
- XIX. Aoust.
- De la grand Cour banni. conflit, blessé,
- Esleu. rendue. accusé, mat. mutins:
- Et feu cité Pyr, eaux, venins, pressé
- Ne voguer onde, ne facher les latins.
-
- XX. Septembre.
- Mer, terre aller. foy, loyauté rompuë,
- Pille, naufrage. à la cité tumulte:
- Fier, cruel acte. ambition repeuë,
- Foible offensé le chef du fait inulte.
-
- XXI. Octobre.
- Froid, grand deluge. de regne dechassé,
- Niez, discord. Trion Orient mine:
- Poison. mis siege. de la Cité chassé,
- Retour felice. neuue secte en ruine.
-
- XXII. Nouembre.
- Mer close, monde ouuert, cité renduë,
- Faillir le Grand. esleu nouueau grand brume:
- _Floram_patere_, entrer camp. foy rompuë,
- Effort fera seuere à blanche plume.
-
- XXIII. Decembre.
- Tutelle à Veste. guerre meurt, translatée,
- Combat naual. honneur. mort. prelature:
- Entrée decez. France fort augmentée,
- Esleu passé, venu à la mal'heure.
1558.
- XXIV. Ianuier.
- Puisné Roy fait funebre epithalame,
- Sacrez esmeus festins, ieux, soupi Mars:
- Nuit larme on crie. hors on conduit la Dame,
- L'arrest & pache rompu de toutes pars.
-
- XXV. Mars.
- Vaine rumeur dedans la hierarchie,
- Rebeller Gennes: courses, insults, tumultes:
- Au plus grand Roy sera la monarchie,
- Election. conflit, couuerts, sepultes.
-
- XXVI. Auril.
- Par la discorde defaillir au defaut,
- Vn tout à coup le remettra au sus:
- Vers l'Aquilon seront les bruits si haut,
- Lesions, pointes à trauers, par dessus.
-
- XXVII. May.
- La mer Tyrrhene de differente voile.
- Par l'Ocean seront diuers assaults:
- Peste, poison, sang en maison de toile,
- Presults, Legats esmeus marcher mer haut.
-
- XXVIII. Iuin.
- Là ou la foy estoit sera rompue,
- Les ennemis les ennemis paistront:
- Feu ciel pleuura, ardra, interrompue,
- Nuit entreprise. Chefs querelles mettront.
-
- XXIX. Iuillet.
- Guerre, tonnerre, maints champs depopulez,
- Frayeur & bruit, assault à la frontiere:
- Grand Grand failli. pardon aux Exilez,
- Germains, Hispans. par mer Barba. banniere.
-
- XXX. Aoust.
- Bruit sera vain. les defaillans troussez,
- Les Razes pris: esleu le Pempotan:
- Faillir deux Rouges & quatre bien croisez,
- Pluye empeschable au Monarque potent.
-
- XXXI. Octobre.
- Pluye, vent, classe Barbare Ister. Tyrrhene,
- Passer holocades Geres, soldats munies:
- Reduits bien faicts par Flor. franchie Sienne,
- Les deux seront morts, amitiez vnies.
-
- XXXII. Nouembre.
- Venus la belle entrera dedans Flore,
- Les Exilez secrets lairront la place:
- Vefues beaucoup. mort de Grand on deplore,
- Oster du regne. le Grand Grand ne menace.
-
- XXXIII. Decembre.
- Ieux, festins, nopces. mort Prelat de renom,
- Bruit, paix de trefue pendant l'ennemy mine:
- Mer, terre & ciel bruit. fait du grand Brennon,
- Cris or, argent. l'ennemi l'on ruine.
1559.
- XXXIV. Sur ladicte annee.
- Poeur, glas grâd pille. passer mer, croistre regne,
- Sectes, Sacrez outre mer plus polis:
- Peste, chaut, feu, Roy d'Aquilon l'enseigne,
- Dresser trophée. cité d' Henripolis.
-
- XXXV. Ianuier.
- Plus le Grand n'estre. pluye. au char, le cristal.
- Tumulte esmeu. de tous biens abondance:
- Razez, Sacrez, neufs, vieux espouuental,
- Esleu ingrat. mort, plaint, ioye, alliance.
-
- XXXVI. Feburier.
- Grain corrompu. air pestilent. locustes,
- Subit cherra. noue nouuelle naistre:
- Captifs ferrez. legers, haut bas, onustes,
- Par ses os mal qu'à Roy n'a voulu estre.
-
- XXXVII. Mars.
- Saisis au temple, par sectes longue brigue,
- Esleu raui au bois forme querelle:
- Septante pars naistre nouuelle ligue,
- De la leur mort. Roy appaisé nouuelle.
-
- XXXVIII. Auril.
- Roy salué Victeur, Impereateur,
- La foy faussée. le Royal fait congnu:
- Sang Mathien. Roy fait supereatur,
- De gent superbe humble par pleurs venu.
-
- XXXIX. May.
- Par le despit nopces, epithalame,
- Par les trois parts Rouges, Razez partis:
- Au ieune noir remis par flamme l'ame,
- Au grand Neptune Ogmius conuertis.
-
- XL. Iuin.
- De maison sept par mort mortelle suite,
- Gresle, tempeste. pestilent mal, fureurs:
- Roy d'Orient d'Occident tous en fuite,
- Subiuguera ses iadis conquereurs.
-
- XLI. Iuillet.
- Predons pillez chaleur, grand seicheresse,
- Par trop non estre. cas non veu, inoui:
- A l'estranger la trop grande caresse,
- Neuf pays Roy. l'Orient esblouy.
-
- XLII. Aoust.
- L'Vrne trouuée. la cité tributaire,
- Champs diuisez. nouuelle tromperie:
- L'Hispan blessé. faim, peste, militaire,
- Moq obstiné, confus. mal, resuerie.
-
- XLIII. Septembre.
- Vierges & vefues, vostre bon temps s'approche,
- Point ne sera ce que l'on pretendra:
- Loin s'en faudra que soit nouuelle approche,
- Bien aisez pris. bien remis. pis tiendra.
-
- XLIV. Octobre.
- Icy dedans se paracheuera,
- Les trois Grâds hors le Bon Bovrg sera loing:
- Encontre d'eux l'vn d'eux conspirera,
- Au bout du mois on verra le besoin.
-
- XLV. Nouembre.
- Propos tenuz, nopces recommencées,
- La Grande Grande sortira hors de France:
- Voix à Romagne de crier non lassée,
- Reçoit la paix par trop feinte asseurance.
-
- XLVI. Decembre.
- La ioye en larmes viendra captiuer Mars,
- Deuant le Grand seront esmeus Diuins:
- Sans sonner mot entreront par trois pars,
- Mars assoupi. dessus glas troutent vins.
1560.
- XLVII. Ianuier.
- Iournée, diete, interim, ne concile,
- L'an paix prepare, peste, faim schismatique:
- Mis hors dedans. changer ciel, domicile,
- Fin du congé. reuolte hierachique.
-
- XLVIII. Feburier.
- Rompre diete. lantiq sacré rauoir,
- Dessoubz les deux. feu par pardon s'ensuiure:
- Hors d'armes Sacre: long Rouge voudra auoir,
- Paix du neglect. l'Esleu le Vefue viure.
-
- XLIX. Mars.
- Fera paroir esleu de nouueauté,
- Lieu de iournée. sortir hors des limites:
- La bonté fainte de changer cruauté,
- Du lieu suspect sortiront trestous viste.
-
- L. Auril.
- Du lieu esleu Razes n'estre contens,
- Du lac Leman conduite non prouuée:
- Renouueller on fera le vieil temps,
- Espeuillera la trame tant couuée.
-
- LI. May.
- Pache Allobrox sera interrompu,
- Derniere main fera forte leuée:
- Grand coniuré ne sera corrompu,
- Et la nouuelle alliance approuuée.
-
- LII. Iuillet.
- Longue crinite leser le Gouuerneur,
- Faim, fieure ardante, feu & de sang fumée:
- A tous estats Iouiaux grand honneur,
- Sedition par Razes allumée.
-
- LIII. Aoust.
- Peste, faim, feu & ardeur non cessée,
- Foudre, grand gresle temple du ciel frapé:
- L'edit, arrest, & grieue loy cassée,
- Chef inuenteur ses gens & luy hapé.
-
- LIV. Septembre.
- Priués seront Razes de leurs harnois,
- Augmentera leur plus grande querelle:
- Pere Liber deceu fulg. Albonois,
- Seront rongées sectes à la moelle.
-
- LV. Octobre.
- Sera receuë la requeste decenté,
- Seront chassez & puis remis au sus:
- La Grande Grande se trouuera contente,
- Aueugles, sourds seront mis au dessus.
-
- LVI. Nouembre.
- Ne sera mis. les Nouueaux dechassez.
- Noir & de Loin & le Grand tiendra fort:
- Recourir armes. Exilez plus chassez,
- Chanter victoire. non libres reconfort.
-
- LVII. Decembre.
- Les deuils laissez, supremes alliances,
- Raze Grand mort. refus fait en à l'entrée:
- De retour estre bien fait en oubliance,
- La mort du iuste à banquet perpetrée.
1561.
- LVIII. Sur ladicte annee.
- Le Roy Roy n'estre. du Doux la mernicie,
- L'an pestilent. les esmeus nubileux:
- Tien' qui tiendra des grands non letitie:
- Et passera terme da cauilleux.
-
- LIX. Mars.
- Au pied du mur le cendré cordigeré,
- L'enclos liuré foulant caualerie:
- Du temple hors Mars & le Falcigeré,
- Hors. mis, demis. & sus la resuerie.
-
- LX. Auril.
- Le temps purgé, pestilente tempeste,
- Barbare insult. fureur, inuasion:
- Maux infinis par ce mois nous appreste,
- Et les plus Grands, deux moins, d'irrision.
-
- LXI. May.
- Ioye non longue, abandonné des siens,
- L'an pestilent, le plus Grand assailli:
- La Dame bonne aux champs Elysiens,
- Et la plus part des biens froid non cueilly.
-
- LXII. Iuin.
- Courses de Loin, ne s'apprester conflits,
- Triste entreprise. l'air pestilent, hideux:
- De toutes parts les Grands seront afflits,
- Et dix & sept assaillir vint & deux.
-
- LXIII. Iuillet.
- Repris, rendu. espouuenté du mal,
- Le sang par bas, & les faces hideuses:
- Aux plus sçauants l'ignare espouuental,
- Porte, haine, horreur. tomber bas la piteuse.
-
- LXIV. Aoust.
- Mort & saisi. des nonchelans le change,
- S'eslongnera en s'approchant plus fort:
- Sarrez vnis en la ruine, grange,
- Par secours long estonné le plus fort.
-
- LXV. Octobre.
- Gris, blancs & noirs, enfumez & froquez,
- Seront remis, demis, mis en leurs sieges
- Les rauaisseurs se trouueront mocquez,
- Et les Vestales serrées fortes riegges.
1562.
- LXVI. Sur ladicte annee.
- Saison d'hiuer. ver bon, sain. mal ésté,
- Pernicieux auton, seç froment rare:
- Du vin assez. mal yeux. faits. molesté,
- Guerre, mutin. seditieuse tare.
-
- LXVII. Ianuier.
- Desir occult pour le bon paruiendra,
- Religion, paix, amour & concorde:
- L'epithalame du tout ne s'accordra,
- Les haut qui bas, & haut mis à la corde.
-
- LXVIII. Feburier.
- Pour Razes Chef ne paruiendra à bout,
- Edicts changez, les serrez mis au large:
- Mort Grand trouué. moins de foy. bas debout
- Dissimulé, transi frappé à bauge.
-
- LXIX. Mars.
- Esmeu de Loin, de Loin prés minera,
- Pris, captiué. pacifié par femme:
- Tant ne tiendra comme on barginera,
- Mis non passez, oster de rage l'ame.
-
- LXX. Auril.
- De LOIN viendra susciter pour mouuoir,
- Vain descouuert contre peuple infini:
- De nul cogneu le mal pour le deuoir,
- En la cuisine trouué mort & fini.
-
- LXXI. May
- Rien d'accordé. pire plus fort & trouble,
- Comme il estoit. terre & mer tranquiler:
- Tout arresté ne vaudra pas vn double,
- Dira l'iniq, Conseil d'anichiler.
-
- LXXII. Iuin.
- Portenteux fait, horrible & incroiyable,
- Typhon fera esmouuoir les meschans:
- Qui puis apres soustenus par le cable,
- Et la plus part exilez sur les champs.
-
- LXXIII. Iuillet.
- Droit mis au throsne du ciel venu en France,
- Pacifié par Vertu l'Vniuers:
- Plus sage espandre. bien tost tourner change,
- Par les oyseaux, par feu, & non par vers.
-
- LXXIV. Aoust.
- Les coulorez, les Sacres malcontens,
- Puis tout à coup par Androgyns alegres:
- De la plus part voir, non venu le temps,
- Plusieurs d'être eux ferôt leurs soupes maigres.
-
- LXXV. Septembre.
- Remis seront en leur pleine puissance,
- D'vn point d'accord conioints, non accordez:
- Tous defiez. plus aux Razes fiance,
- Plusieurs d'entre eux à bande debordez.
-
- LXXVI. Octobre.
- Par le legat du terrestre & marin,
- La grande Cape à tout s'accommoder:
- Estre à l'escoute tacite Lorvarin,
- Qu'à son aduis ne voudra accorder.
-
- LXXVII. Nouembre.
- D'ennemi vent empeschera la troupe,
- Le plus grand point mis auant difficil:
- Vin de poison se mettra dans la couppe,
- Passer sans mal de cheual gros foussil.
-
- LXXVIII. Decembre.
- Par le christal l'entreprise rompuë.
- Ieux & festins. de Loin plus reposer:
- Plus ne fera prés des Grands sa repue,
- Subit catharrhe l'eau beniste arrouser.
1563.
- LXXIX. Sur ladicte annee.
- Lever sain, sang, mais esmeu. rien d'accord,
- Infinis murtres. captifs, morts, preuenus:
- Tant d'eau & peste. peu de tout. sonnez cors,
- Pris, morts, fuits, grands deuenir, venus.
-
- LXXX. Ianuier.
- Tant d'eau, tant morts, tât d'armes esmouuoir,
- Rien d'accordé. le Grand tenu captifs:
- Que sang humain, rage, fureur n'auoir:
- Tard penitent peste. guerre motif.
-
- LXXXI. Feburier.
- Des ennemis mort de langue s'approche,
- Le Debonnaire en paix voudra reduire:
- Les obstinez voudront perdre la proche,
- Surpris, captifs, & suspects fureur nuire.
-
- LXXXII. Mars.
- Peres & meres morts de deuls infinis,
- Femmes à deul. la pestilente monstre:
- Le Grand plus n'estre. tout le monde finir,
- Soubz paix, repos. & trestous allencontre.
-
- LXXXIII. Auril.
- En debats Princes & Chrestienté esmeuë,
- Gentils estranges. siege à Christ molesté:
- Venu tresmal. prou bien. mortelle veuë.
- Mort Orient peste, faim, mal traité.
-
- LXXXIV. May.
- Terre trembler. tué. prodige. monstre,
- Captifs sans nombre. faire defaite, faite:
- D'aller sur mer aduiendra malencontre,
- Fier contre fier mal fait de contrefaire.
-
- LXXXV. Iuin.
- L'iniuste bas fort l'on molestera,
- Gresle, inonder, thresor, & graué marbre:
- Cehf de suard peuple à mort tuera,
- Et attachée sera la lame à l'arbre.
-
- LXXXVI. Iuillet.
- De quel non mal? inexcusable suite,
- Le feu non deul. le Legat hors confus:
- Au plus blessé ne sera faite luite,
- La fin de Iuin le fil coupé du fus.
-
- LXXXVII. Aoust.
- Bons finement affoiblis par accords,
- Mars & Prelats vnis n'arresteront:
- Les Grands confus par dons incidez corps,
- Dignes indignes biens indues saisiront.
-
- LXXXVIII. Septembre.
- De bien en mal le temps se changera,
- Le pache d'Aust. des plus Grands esperance:
- Des Grands deul Lvis trop plus trebuchera,
- Congnus Razez pouuoir ni congnoissance.
-
- LXXXIX. Octobre.
- Voicy le mois par maux tant à doubter,
- Mors, tous seigner peste, faim, quereller:
- Ceux du rebours d'exil viendront noter,
- Grands, secrets, morts, non de contreroller.
-
- XC. Nouembre.
- Par mort mort mordre, conseil, vol. pestifere,
- On n'osera Marins assaillir:
- Deucalion vn dernier trouble faire,
- Peu de gens ieunes: demy morts tressaillir:
-
- XCI. Decembre.
- Mort par despit fera les autres luire,
- Et en haut lieu de grands maux aduenir:
- Tristes concepts à chacun viendront nuire,
- Temporel digne. la Messe paruenir.
1564.
- XCII. Sur ladicte annee.
- L'an sextil pluyes froment abonder. haines,
- Aux hommes joye. Princes Rois en diuorce:
- Troupeau perir. mutations humaines,
- Peuple affoulé: & poison soubs l'escorce.
-
- XCIII. Ianuier.
- Temps fort diuers, discorde descouuerte,
- Conseil belliq. changement pris, changé:
- La Grande n'estre. coniurez par eau perte,
- Grand simulté. tous au plus Grand rangé.
-
- XCIV. Feburier.
- Deluge grand. bruit de mort conspirée,
- Renoue siecle. trois Grands en grand discord:
- Par boutfeux la concorde empirée,
- Pluy empeschant conseils malins d'accord.
-
- XCV. Mars.
- Entre Rois haines on verra apparoistre,
- Dissensions & Guerres commencer:
- Grâds Changemêt. nouueau tumulte croistre,
- L'ordre plebée on viendra offenser.
-
- XCVI. Auril.
- Secret coniur. conspirer populaire,
- La descouuerte en machine esmouuoir:
- Contre les Grands,
- Puis trucidee & mise sans pouuoir.
-
- XCVII. May.
- Temps inconstant. fieures, peste, langueurs,
- Guerres, debats. temps desolé sans feindre:
- Submersions. Prince à mineurs rigueurs,
- Felices Rois & Grands, autre mort craindre.
-
- XCVIII. Iuin.
- Du lieu soumis la peste & fuite naistre,
- Temps variant. vent. la mort de trois Grands:
- Du ciel grands foudres. estat des Razes paistre,
- Vieil prés de mort bois peu dedans vergans.
-
- XCIX. Iuillet.
- En peril monde & Rois feliciter,
- Razes esmeu. par conseil ce qu'estoit
- L'Eglise Rois pour eux peuple irriter,
- Vn monstrera apres ce qu'il n'estoit.
-
- C. Aoust.
- Deluge prés. peste bouine. neuue.
- Secte flechir. aux hommes ioye vaine:
- De loy sans loy. mis au deuant pour preuue,
- Apast, embusche: & deceus couper veine.
-
- CI. Septembre.
- Tout inonder. à la Razée perte,
- Vol de mur, mort. de tous biens abondance:
- Eschapera par manteau de couuertes,
- Des neufs & vieux sera tournée chance.
-
- CII. Octobre.
- La bouche & gorge en feruides pustules,
- De sept Grands cinq. toux distillante nuire:
- Pluye si longue. à non mort tournent bulles,
- Le Grand mourir, qui trestous faisoit luire.
-
- CIII. Nouembre.
- Par bruit de feu Grands & Vieux defaillir.
- Peste assoupie. vne plus grande naistre:
- Peste de l'Ara. foin caché, peu ceuillir,
- Mourir troupeau fertil. ioye hors prestre.
-
- CIV. Decembre.
- Alegre point. douce fureur au Sacre,
- Enflez trois quatre & au costé mourir:
- Voye defaillir, n'estre à demy au sacre,
- Par sept & trois, & par quinte courir.
1565.
- CV. Sur ladicte annee.
- Pire cent fois cest an que l'an passé,
- Mesme au plus Grands du regne & de l'Eglise:
- Maux infinis, mort, exil, ruine, cassé,
- A mort Grande estre. peste, playes & bille.
-
- CVI. Ianuier.
- Neiges, rouillures, pluyes & playes grandes,
- Au plus Grands ioye, pestilence insopie:
- Semences, grains beaucoup, & plus de bandes,
- S'appresteront, simulté n'amortie.
-
- CVII. Feburier.
- Entre les Grands naistre grande discorde,
- Le Clerc procere vn grand cas brassera:
- Nouuelles sectes mettre en haine & discorde,
- Tout peuple guerre & change offensera.
-
- CVIII. Mars.
- Secret coniur, changemet perilleux,
- Secrettement conspirer factions:
- Pluyes, grands vents. playes par orgueilleux,
- Inonder flumes. pestifere actions.
-
- CIX. Auril.
- Pulluler peste. les Sectes s'entrebatre,
- Temps moderé l'hyuer peu de retour:
- De messe & presche grieuement soy debattre,
- Inonder fleuues. maux, mortels tout autour.
-
- CX. May.
- Au menu peuple par debats & querelles,
- Et par les femmes & defunts grande guerre:
- Mart d'vne Grande. celebrer escrouëlles,
- Plus grandes Dames expulsées de terre.
-
- CXI. Iuin.
- Viduité tant masles que femelles,
- De grands Monarques la vie pericliter:
- Peste, fer, faim. grand peril pesle mesle,
- Troubles par changes. petits Grands conciter.
-
- CXII. Iuillet.
- Gresle, rouïlleure, pluyes & grandes playes,
- Preseruer femmes, seront cause du bruit:
- Mort de plusieurs peste, fer, faim par hayes,
- Ciel sera veu quoy dire qu'il reluit.
-
- CXIII. Aoust.
- Point ne sera le grain à suffisance,
- La mort s'approche à neiger plus que blanc:
- Sterilité, grain pourri. d'eau bondance,
- Le grand blessé. plusieurs de mort de flanc.
-
- CXIV. Septembre.
- Guere de fruits, ni grain, arbres & arbrisseaux,
- Grand volataille, procere stimuler:
- Tant temporel que prelat leonceaux,
- Tolandad vaincre. proceres reculer.
-
- CXV. Octobre.
- Du tout changé. persecuter l'vn quatre,
- Hors maladie. bien loin mortalité:
- Des quatre deux plus ne viendront debatre,
- Exil, ruine, mort, faim, perplexité.
-
- CXVI. Nouembre.
- Des grands le nombre plus grands ne sera tant.
- Grands changement, commotions, fer, peste:
- Le peu deuis: prestez, payez contant,
- Mois opposite gelée fort moleste.
-
- CXVII. Decembre.
- Forte gelée. glace plus que concorde,
- Vefues matrones, feu, deploration:
- Ieux, esbats, ioye. Mars citera discorde,
- Par mariages bonne expectation.
1566.
- CXVIII. Sur ladicte annee.
- Aux plus grands mort, iacture d'hôneur. & violence.
- Professeurs de la foy, leur estat & leur secte:
- Aux deux grâds Eglises diuers bruit, decadêce,
- Maux voisins querellâs serfs d'Eglise sâs teste.
-
- CXIX. Ianuier.
- Perte, iacture grande, & non sans violence,
- Tous ceux de la foy, plus à religion,
- Les plus Grands perdrôt vie, leur hôneur & cheuance
- Toutes les deux Eglises. la coulpe à leur faction.
-
- CXX. Feburier.
- A deux fort Grandes naistres perte pernitieuse,
- Les plus Grands feront perte biens, d'honneur, & de vie,
- Tant grâds bruits couriront. l'vrne trop odieuse.
- Grands maladies estre. presche, messe en enuie.
-
- CXXI. Mars.
- Les seruâts des Eglises leur Seigneurs trahirôt,
- D'autres Seigneurs aussi par l'indiuis des châps:
- Voisins de presche & messe entre eux querelleront,
- Rumeurs, brutits augmenter. à mort plusieurs couchans.
-
- CXXII. Auril.
- De tous biens abondance terre nous produira,
- Nul bruit de guerre en Frâce, hors mis seditiôs:
- Homicides, voleurs par voye on trouuera,
- Peu de foy, fieure ardente. peuple en esmotion.
-
- CXXIII. May.
- Entre peuple discorde, inimitie brutale,
- Guerre. mort de grands Princes. plusieurs pars d'Italie:
- Vniuerselle playe. plus fort occidentalle,
- Tempore bonne & pleine, mais fort seiche & tarie.
-
- CXXIV. Iuin.
- Les bleds trop n'abonder. de toutes autres fruits force,
- L'esté, printemps humides. hiuer long, neige, glace:
- En armes l'Orient. la France se renforce,
- Mort de bestail prou miel. aux assiegez la place.
-
- CXXV. Iuillet.
- Par pestilente & feu fruits d'arbres periront,
- Signe d'huile abonder. Pere Denys non gueres:
- Des grands mourir. mais peu d'estrangers sailliront,
- Insult, marin Barbare, & dangers de frontieres.
-
- CXXVI. Aoust.
- Pluyes fort excessiues, & de biens abondance,
- De besteil pris iuste estre. fêmes hors de dâger:
- Gresles, pluyes, tônerres: peuple abatu en Frâce,
- Par mort trauailleront. mort peuple corriger.
-
- CXXVII. Septembre.
- Armes, playes cesser. mort de seditieux,
- Le pere Liber grand non trop abondra:
- Malins seront saisis par plus malicieux,
- France plus que iamais victrix triomphera.
-
- CXXVIII. Octobre.
- Iusqu'à ce mois durer la secheresse grande,
- A l'Itale & Prouence. des fruits tous à demi:
- Le Grand moins d'ennemis prisonnier de leur bande,
- Aux escumeurs, pirates. & mourir l'ennemi.
-
- CXXIX. Nouembre.
- L'ennemi tant à craindre retirer en Thracie,
- Laissant cris, hurlemens, & pille desolée:
- Laisser bruit mer & terre. religion mutrie,
- Iouiaux mis en route. toute secte affoulée.
1567.
- CXXX. Sur ladicte annee.
- Mort, maladie aux ieunes femmes, rhumes,
- De teste aux yeux mal heur marchâds de terre:
- De mer infaust. semes mal. vin par brumes,
- Prou huile trop de pluye. aux fruits moleste. guerre.
-
- CXXXI. Ianuier.
- Prisons, secrets: ennuis. entre proches discorde,
- La vie on donnera. par mal diuers catarrhes:
- La mort s'en ensuiura. poison fera concorde,
- Frayeur, poeur, crainte grande. voyageant lairra d'arres.
-
- CXXXII. Feburier.
- Prisons par ennemis occults & manifestes,
- Voyage ne tiendra. inimitié mortelle:
- L'amour trois, simultez secret publiques festes,
- Le rompu ruine. l'eauë rompra la querelle.
-
- CXXXIII. Mars.
- Les ennemis publics, nopces & mariages,
- La mort aprés. l'enrichi par les morts:
- Les grands amis se monstrer au passage,
- Deux sectes iargôner. de surpris tards remords.
-
- CXXXIV. Auril.
- Par grandes maladies, religion fachée,
- Par les enfans & legats d'Ambassade:
- Don donné à indigne. nouulle loy laschée,
- Biens de vieux peres. Roy en bonne contrade.
-
- CXXXV. May.
- Du pere au fils s'approche: Magistrats dits seuere,
- Les grandes nopces. ennemis garbelans:
- De latens mis auant. par la foy d'improperes,
- Les bons amis & fêmes contre tels groumelâs
-
- CXXXVI. Iuin.
- Par le thresor, trouué l'heritage du pere:
- Les Roys & Magistrats, les nopces, ennemis:
- Le public mal-vueillant, les Iuges & le Maire,
- La mort, poeur & frayeur. & trois Grands à mort mis.
-
- CXXXVII. Iuillet.
- Encor la mort s'approche. don Royal & legat,
- On dressera ce qu'est, par viellesse en ruine:
- Les Ieunes hoirs de soupçon nul legat,
- Tresor trouué en plastres & cuisine.
-
- CXXXVIII. Aoust.
- Les Ennemis secrets seront emprisonnez,
- Les Rois & Magistrats y tiendrôt la main seure:
- La vie de plusieurs. santé maladie yeux, nez,
- Les deux grands s'en iront bien loin à la male heure.
-
- CXXXIX. Septembre.
- Longues langueurs de teste nopce, ennemi,
- Par Prelat & voyage. songe du Grand terreur:
- Feu & ruine grande trouué en lieu oblique,
- Par torrent decouuert sortir noues erreurs.
-
- CXL. Octobre.
- Les Rois & Magistrats par les morts la main mettre,
- Ieunes filles malades, & des Grâds corps enfle:
- Tout par langeurs & nopces. ennemis serfz au maistre.
- Les publiques douleurs. le Côposeur tout enfle.
-
- CXLI. Nouembre.
- Du retour d'Ambassade. dô de Roy. mis au lieu
- Plus n'en fera: sera allé à Diev:
- Parans plus proches, amis, freres du sang,
- Trouué tout mort prés du lict & du banc.
Fin des Presages
- --oOo-- -